Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse lënda kundër një grupi sulmuesish të institucioneve dhe policisë së Kosovës ka tetë vjet që është ngritur ajo tashmë është shtyrë në afat të pacaktuar në mungesë së paraqitjes së të pandehurve, në mesin e tyre edhe ministra e zyrtarë të lartë të Vetëvendosjes, parti në pushtet. Nuk është kjo hera e parë, as e fundit kur pikërisht personat që janë të thirrur ta mbrojnë ligjin e nëpërkëmbin atë sikur ishte dje rasti i ministri të Brendshëm Xhelal Sveçla i cili nuk u paraqit në seancën gjyqësore të Gjykatës Themelore në Prishtinë ku pritet të zhvillohej gjykimi. Sipas aktakuzës së ngritur më 14 mars 2014, nga Prokuroria Themelore në Prishtinë, Dardan Molliqaj, Arsim Maqastena, Pajtim Havolli, Agron Kabashi, Egzon Azemi, Pajtim Demaj, Xhelal Sveçla, Frashër Krasniqi, Nol Nushi, Bekim Shkodra, Afrim Hoxha, Sami Avdiu dhe Besnik Qelaj po akuzohen se më 27 qershor 2013 në rrugën “Nëna Terezë” në Prishtinë, gjatë protestës me qëllim të dëmtimit të personave zyrtarë-pjesëtarëve të Policisë së Kosovës kanë kryer veprime të dhunshme dhe huligane. Gjykata ka sqaruar se “I pandehuri Xhelal Sveçla nuk ka pasur urdhëresë për sjellje me detyrim, por ka qenë i ftuar në mënyrë të rregullt dhe gjithashtu nuk është lëshuar asnjë urdhëresë për sjellje me detyrim ndaj tij për seancën e radhës”, thuhet në njoftim.
