Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fuqitë perëndimore reaguan me shpejtësi kundër vendimit të kryetarit të Rusisë, Vladimir Putin për të njohur pavarësinë e dy republikave të vetëshpallura në Ukrainën lindore dhe një dislokim të trupave në rajon, Ato kanë dënuar Moskën dhe kanë paralajmëruar sanksione. Shtetet e Bashkuara dhe aleatët e saj sulmuan Rusinë gjatë një sesioni urgjent të Këshillit të Sigurimit të hënën, duke denoncuar njohjen nga Vladimir Putin të zonave të kontrolluara nga rebelët në Ukrainë dhe vendosjen e trupave si një shkelje e rëndë e ligjit ndërkombëtar dhe “pretekst për luftë”. Duke iu drejtuar seancës, ambasadorja amerikane, Linda Thomas-Grifild përçmoi pohimin e Putinit se trupat ruse do të merrnin një rol paqeruajtës në zonat Donetsk dhe Lugansk. “ Putin i quan ata paqeruajtës. Ne e dimë se çfarë janë ata në të vërtetë”, ka thënë ajo. Ndërsa ambasadori i Ukrainës, këmbënguli që kufijtë e vendit të tij mbeten të pandryshueshëm, pavarësisht veprimeve të Rusisë.
