Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues të Gjykatës Speciale, në Hagë, ku po mbahet seanca kundër Salih Mustafës, u mor në pyetje dëshmitari Selatin Krasniqi. Ai që në fillim ka mohuar të ketë pasur ndonjëherë kamp ndalimi në fshatin Zllash të Prishtinës në kohën e luftës. I pyetur nga avokati mbrojtës se prokuroria parashtron se janë mbajtur njerëz brenda disa ndërtesave në Zllash, Krasniqi tha se “nuk mund të thotë askush që ka pasur njerëz të ndaluar aty”. Më tutje, dëshmitari, Selatin Krasniqi u pyet edhe nëse është takuar me anëtarë të prokurorisë së Zyrës së Prokurorit vitin e kaluar. Ai u përgjigj se është takuar, duke shtuar se njëri nga ata që e ka takuar ishte në sallën e gjyqit. Më ka thirr një Cezar e quanin, dhe më ka kërkuar që të dalim në vendin ku po pretendojnë ata se janë mbajtur njerëz. Ishin tri makina, nuk e di sa persona kanë qenë, është shprehur Krasniqi.
