Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i trupit gjykues në seancën e sotme të Gjykatës Speciale, ku ndërkohë shpallet aktgjykimi kundër krerëve të Organizatës së Veteranëve të Luftës së UÇK-së, Hysni Gucati e Nasim Haradinaj, ka deklaruar se me veprimet dhe sjelljet e tyre, të akuzuarit e kanë sfiduar punën e gjykatës. Ai tregoi se si Gucati e Haradinaj morën pjesë në më shumë se 20 intervista në media. Për materialin e publikuar, gjykatësi tha se të akuzuarit kanë bërë komente nënçmuese për dëshmitarët, pavarësisht paralajmërimeve. Duke lexuar konstatimet e trupit gjykues, kryetari tha se të akuzuarit lejuan dhe shpërndanë dokumente konfidenciale të gjykatës, duke kryer vepër penale. “Trupi gjykues është bindur se të akuzuarit vepruan me synim të drejtpërdrejt me synim të zbulimit të informacionit të mbrojtur”, tha ndër tjerash kryetari i këtij trupi. Gjykatësi beson se Prokuroria e ka vërtetuar veprën penale.
