Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vendvotimin numër gjashtë në Tërnoc, të regjistruar janë 1 mijë e 80 qytetarë me të drejtë vote. Në votimin e parë dhe përsëritjen e dytë, bartësi i listës Shaip Kamberi e kishte fituar mandatin e deputetit, por ankesat e partisë së Ivica Daçiqit, të cilit i humb një deputet me fitoren e shqiptarëve, bëri që në këtë vendvotim zgjedhjet të përsëriten edhe për herë të katërt. Komisioni Republikan Zgjedhor ka caktuar datën 23 qershor për mbajtjen e këtij rundi zgjedhor në Tërnoc të Bujanocit. Fejzi Beqiri, thotë se Komisioni Republikan Zgjedhorë me aktvendim të posaçëm e ka caktuar datën e zgjedhjeve e cila është për datë 23 qershor 2022 ditë e enjte. Ai po ashtu tha se Komisioni Komunal Zgjedhor i ka bërë të gjitha përgatitjet e duhura ashtu siç kërkohet me dispozitat ligjore. Ndërkohë edhe përfaqësuesit e tri subjekteve politike që formojnë Koalicionin e Shqiptarëve: PVD, PD dhe LPD-së janë shprehur të gatshëm për pjesëmarrje edhe në këtë radhë të zgjedhjeve.
