Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Arabia Saudite ka bërë me dije se është duke eksploruar mundësinë e investimeve në Shqipëri që kapin vlerën 200-300 milionë dollarë. Ministria e Jashtme e këtij shteti ndër më të pasur e botës, bërë me dije se kryeministri shqiptar, Edi Rama është takuar me Princin e Kurorës, Muhammed bin Salman, në Athinë, të Greqisë. Sipas njoftimit, palët kanë diskutuar mbi marrëdhëniet miqësore dhe mundësinë e bashkëpunimit në fusha të ndryshme. Në takim është diskutuar edhe mënyra për të konsoliduar partneritetin ekonomik në mes të dy shteteve dhe fuqizimin e bashkëpunimit në fushën politike, rritjen e investimeve dypalëshe dhe koordinimin në çështjet rajonale dhe ndërkombëtare me interes të përbashkët. Kryeministri i Shqipërisë Edi Rama shprehu vlerësimin e tij të sinqertë për vendimin e Mbretërisë së Arabisë Saudite për të mbështetur vendin e tij me 50 milionë dollarë dhe për faktin se Fondi i investimeve publike synon të eksplorojë mundësitë e investimit në Shqipëri me vlerë 200-300 milionë dollarë ka njoftuar Ministria e Punëve të Jashtme të Arabisë Saudite.
