Gjatë më tepër se pesë muajve në Ukrainën e pushtuar pjesërisht, kryetari Vladimir Zelensky përsëriti thirrjen drejtuar Perëndimit për më tepër armë. Amerika Britania e Madhe, Franca e shumë vende të tjera, në total 44 prej tyre, u përgjigjën jo vetëm me mbështetje ushtarake, por edhe financiare. Me 10 qershor, qeveria shqiptare miratoi vendimin për dhënien e ndihmës humanitare prej 1 milionë eurosh për Ukrainën. Por a ka kontribuar Shqipëria edhe me ndihmë ushtarake? Autoriteti i Kontrollit Shtetëror të Eksportit të Mallrave Ushtarake në Tiranë, në varësi të Ministrisë së Mbrojtjes, pranon për herë të parë se Shqipëria e ka mbështetur edhe ushtarakisht qeverinë ukrainase. Por nuk u dha asnjë detaj tjetër se çfarë municionesh dhe armësh u dërguan nga Tirana zyrtare. Republika e Shqipërisë si vend anëtar i NATO-s, i ka dhënë kontributin e saj shtetit të Ukrainës, nëpërmjet dërgimit të mallrave dhe pajisjeve ushtarake. Këto mallra dhe pajisje janë dhuratë e qeverisë së Republikës së Shqipërisë për qeverinë e Ukrainës.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …