leoni

Implementohet plotësisht Ligji për transportin rrugorë

21/05/2016 Institucionet

Ministria e Infrastrukturës, në bashkëpunim me Policinë e Kosovës si dhe inspektoratet komunale, kanë mbajt takimin e radhës lidhur me transportin ilegal të udhëtarëve, ku temë boshte ishte implementimi i ligjit të transportit rrugor dhe i rregulloreve komunale të transportit. Po ashtu u diskutua edhe për eliminimin e transportit ilegal me kombibus dhe vetura të vogla të cilat operojnë në segmente të caktuara siç janë në drejtimin e Besianës, Mitrovicës, Drenasit, etj.

Temë diskutimi, në këtë takim, ishin edhe angazhimet e përbashkëta në nivel qendror me nivelin lokal dhe Policinë e Kosovës. Po ashtu u bisedua edhe për aksionet e përbashkëta të deritanishme dhe si konkluzë e takimit doli që komunat e këtyre dy rajoneve, nga data 25 maj 2016, në bashkëpunim me policitë e rendeve të stacioneve të tyre policore, ta vazhdojnë aksionin për eliminimin e transportit ilegal duke e implementuar plotësisht ligjin për transportin rrugor 04L-179 dhe rregulloret komunale për transport, që nënkupton edhe konfiskimin e këtyre automjeteve që veprojnë ilegalisht. Takimi i përfaqësuesve të MI-së, Policisë së Kosovës dhe një përfaqësues komunal i Prishtinës do të mbajnë një takim me këshillin gjyqësor të Kosovës rreth angazhimit të gjykatave kundërvajtëse në implementimin e ligjit.

Në këtë takim morën pjesë drejtuesit e MI-së, të prirë nga zv.ministri, Hanefi Muharremi, inspektoratet komunale të rajonit të Prishtinës dhe Mitrovicës, Policia e Trafikut Rrugor dhe policitë e rendit të rajonit të Prishtinës dhe Mitrovicës.

Përfaqësuesit nga gjyqësori i Prishtinës dhe Mitrovicës, edhe pse ishin të ftuar, munguan në këtë takim.

Kontrolloni gjithashtu

Në Llukë të Epërme u mbajt manifestimi përkujtimor kushtuar 35-vjetorit të Kuvendit të Pajtimit të Gjaqeve

Sot në fshatin Llukë e Epërme të Deçanit u mbajt manifestimi përkujtimor kushtuar 35-vjetorit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara