Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëheqësi i një departamenti në Ministrinë e Drejtësisë, Elbasan Dervishi ka dorëzuar kallëzim penal kundër ministres së Drejtësisë, Albulena Haxhiut dhe zëvendësit të saj, Blerim Sallahut. Denoncimi ndaj dy udhëheqësve të Ministrisë së Drejtësisë është konfirmuar nga zëdhënësja e Prokurorisë Themelore në Prishtinë, Laureta Ulaj. Ajo ka thënë për Paparacin se kallëzimi penal është duke u trajtuar nga Prokuroria e Prishtinës. Zëdhënësja e Prokurorisë nuk ka dhënë detaje të tjera rreth procesit të hetimeve.
“Mund t’ju konfirmojmë se Prokuroria Themelore në Prishtinë e ka pranuar kallëzimin penal lidhur me çështjen për të cilën keni shprehur interesim dhe është duke e trajtuar”, ka thënë zëdhënësja e Prokurorisë. Udhëheqësi i Departamentit për Profesione të Lira në kuadër të Ministrisë së Drejtësisë, Elbasan Dervishaj pas betejës së fituar në Këshillin e Pavarur Mbikëqyrës për Shërbimin Civil të Kosovës, për një vërejtje anti-ligjore të shqiptuar nga Ministria e Drejtësisë , tani iu ka drejtuar Prokurorisë Themelore në Prishtinë po për të njëjtën çështje.
