Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtues të sindikatave të punëtorëve kanë paralajmëruar se në Kosovë mund të ketë trazira sociale. Kryetari i Sindikatës së Punëtorëve të Sektorit Privat, Jusuf Azemi ka deklaruar në një emision të televizionit 21 se punëtorët e sektorit privat, vazhdimisht kanë qenë të diskriminuar. Ai ka shtuar më tutje se kërkesat e Sindikatës së sektorit privat janë ngritja e pagës minimale në 350 euro dhe sigurimi shëndetësor për secilin punëtor. Nënkryetari i sindikatës së re të KEK-ut, Nexhat Llumnica, ka thënë se për momentin, punëtorët e kësaj korporate nuk do të shkojnë drejtpërdrejt në grevë, për shkak të gjendjen aktuale në Kosovë në fushën e energjisë. Por, ka shtuar ai, nëse nuk realizohen kërkesat e tyre, nuk e përjashton mundësinë që edhe punëtorët e KEK-ut të futen në grevë.
