Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Serbi është sulmuar një autobus që po udhëtonte nga Kosova për në Gjermani. Nga kompania turistike “Fadili Tours” kanë njoftuar se fatmirësisht asnjë udhëtar nuk është lënduar ndonëse nga hedhja e gurëve e gjësendeve të forta, janë thyer xhamat e autobusit. “Rasti është i vërtetë dhe të gjithë udhëtarët janë mirë dhe nuk ka të lënduar. Nuk e dimë saktë se në cilin vend janë sulmuar. Por sulmi ka ndodhur në Serbi. Disa autobusë janë nisur sot për në Gjermani. Nuk e dimë saktë se cili prej tyre është sulmuar, por mund të konfirmojmë se vetëm një autobus është sulmuar. Të gjithë udhëtarët janë mirë janë duke u kryer procedurat ligjore që duhet dhe do të nisen për në Dortmund” kanë deklaruar nga kompania turistike “Fadili Tours”.
