Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pjesëmarrja e dy ministrave të Malit të Zi në akademinë solemne të shënimit të ditës antikushtetuese të Republikës Serbe në Banjallukë shkaktoi reagime të shumta në vend. Partitë opozitare, Bashkësia Islame e Malit të Zi, por edhe një pjesë e madhe e opinionit, reagoi ashpër pasi ministri i Financave, Aleksandar Damjanoviq dhe ministri i Drejtësisë, Marko Kovaç, në Qeverinë e Malit të Zi, morën pjesë në akademinë solemne të shënimit të 9 janarit, ditës të Republikës Serbe, në Banjallukë, të cilin Gjykata Kushtetuese e Bosnjë e Hercegovinës e ka shpallur antikushtetues. Partia më e madhe opozitare, Partia Demokratike e Socialistëve tha se prania e ministrit të drejtësisë dhe financave, në akademinë në Banjallukë, është një tjetër konfirmim i karakterit antievropian të qeverisë së Dritan Abazoviqit. Deputeti i DPS-së, Millosh Nikoliç, deklaroi se qeveria e Abazoviqit çdo ditë të funksionimit të saj kërcënon marrëdhëniet e mira fqinjësore dhe perspektivën evropiane të Malit të Zi.
