Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fondi Monetar Ndërkombëtar, ka radhitur Shqipërinë dhe Kosovën si shtetet më të varfra të Evropës në vitin 2023, duke bazuar në të ardhurat për një person, që maten duke llogaritur fuqinë blerëse, një tregues real se sa vlerë ka paraja për banorët e një vendi. Sipas të dhënave të përditësuara të FMN-së në Pasqyrën Ekonomike Globale 2023, dhe të përpunuara nga “Monitor”, Shqipëria renditet e parafundit në Europë me të ardhurat për frymë prej 19 mijë dollarë. Pas Shqipërisë renditet Kosova, që e ka këtë tregues akoma dhe më të ulët, në 15 mijë e 6 qind dollarë. Bosnjë Hercegovina ka të ardhura për frymë pak më të larta se Shqipëria, në 19.6 mijë dollarë, Maqedonia e Veriut 21 mijë, Serbia me 25 mijë dhe në krye të rajonit vijon të qëndrojë Mali i Zi, me 27 mijë dollarë . Mesatarja e Europës është gati 50 mijë, ndërkohë që Shqipëria i ka të ardhurat për frymë të matura sipas fuqisë blerëse gati sa gjysma e Europës Lindore.
