Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në shkollat fillore dhe të mesme të vendit tonë, filloi viti i ri shkollor, 2023-2024. Edhe fillimi i këtij viti shkollor nisi me mosmarrëveshje mes të Ministrisë së Arsimit, SBASHK-ut dhe prindërve të nxënësve.
Vitin e kaluar kishte filluar me grevat e mësimdhënësve, që la jashtë bankave shkollore nxënësit për plot një muaj. Ndërsa, sivjet viti i ri shkollor po nis me probleme rreth furnizimit të nxënësve me tekste shkollore. Ministria e Arsimit i ka shpërndarë falas librat për nxënësit e shkollave fillore nga viti 2008, por ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, siç thotë Ministria, shtëpitë botuese kanë ofertuar çmime shumë më të larta se ato që i vendosin në libraritë e tyre. Sivjet prindërit janë përgjegjës për blerjen e teksteve dhe materialeve shkollore për fëmijët e tyre. Mjetet do të subvencionohen nga Ministria e Arsimit, pasi ata të kenë aplikuar në platformën online të Qeverisë E-Kosova. Ky vendim i ministrisë ka ngjallur reagime të shumta te prindërit, sindikata e arsimit dhe opozita, të cilët këtë vendim të ministrisë e kanë vlerësuar si paaftësi dhe eksperiment të gabuar. Keqmenaxhim nga Ministria mos furnizimin e nxënësve me libra shkollorë e kanë konstatuar edhe drejtorët komunalë të arsimit, kudo në Kosovë.
