Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia e OKB-së për refugjatët palestinezë tha sot se një armëpushim i menjëhershëm humanitar në Rripin e Gazës është “çështje për jetë a vdekje”, transmeton Anadolu. “Niveli i shkatërrimit është i paprecedentë”, tha agjencia e OKB-së. “Tragjedia njerëzore që shpaloset para nesh është e padurueshme”, shtoi ajo. UNRWA-ja e quajti ofensivën e vazhdueshme izraelite që detyroi mijëra njerëz të largohen nga shtëpitë e tyre në Gaza si “zhvendosje të detyruar”. “Më shumë se 670 mijë njerëz janë strehuar në gati 150 instalime të mbipopulluara. Këta njerëz përballen me përkeqësim të kushteve humanitare dhe rreziqe të rënda shëndetësore dhe mbrojtjeje”, thuhet më tej. Ushtria izraelite ka zgjeruar sulmet e saj ajrore dhe tokësore në Rripin e Gazës, i cili ka qenë nën sulme të pamëshirshme ajrore që nga ofensiva e befasishme e grupit palestinez Hamas më 7 tetor. Më shumë se 10 mijë 300 njerëz janë vrarë në konflikt, duke përfshirë të paktën 8 mijë e 796 palestinezë dhe 1 mijë e 538 izraelitë.
