Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia FJALA dënon fuqishëm sjelljen e paligjshme të kryetarit të Komunës së Mitrovicës Veriore, Goran Rakiq, i cili mbrëmë rezistoi t’ i largojë targat e Serbisë nga Vetura zyrtare e Republikës së Kosovës. Sjellja e tij arrogante shkoi aq larg sa mohoi edhe shtetësinë e Kosovës, duke thënë se “nuk kam nevojë të i largoj këto targa, ngase ashtu Kosova është pjesë e Serbisë”. Situatën edhe më të rëndë e bën fakti që Policia e Kosovës, u dorëzua para urdhrave të tij, me presionin që kishte nga Qeveria e Kosovës, që këtë Kryetar ta lejojë të hyjë në pikën kufitare ashtu si ai dëshiron, me veturë zyrtare të Kosovës 2Z, por me tabela të Serbisë. Është e turpshme dhe e tepruar kjo sjellje e Qeverisë së Kosovës që lejon dhe dorëzohet përballë kërcënimeve të një Kryetari sërb, që paguhet me taksat e qytetarëve të Kosovës dhe që mohon shtetësinë e Kosovës dhe shkel ligjet e Kosovës.
