Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Avdullah Hoti, kritikon veprimet e Qeverisë dhe të kryeparlamentarit, Glauk Konjufca për çështjen e draft-statutit të Asociacionit të komunave me shumicë serbe. Hoti ka adresuar deklaratat e Konjufcës, i cili e ka cilësuar si veprim të gabuar pranimin e draftit nga ana e Qeverisë. Deputeti i LDK-së thekson se veprimi i Qeverisë për të pranuar dhe komentuar draftin e BE-së është në kundërshtim me atë që ishte e pritshme: që drafti të kthehej pa u pranuar, me qëllim që të përgatitej nga vetë Qeveria e Kosovës. Rrjedhimisht, kjo nënkupton se Qeveria do të duhej ta kthente prapa draftin e pranuar nga BE-ja me arsyetimin se do të përgatisë vetë atë. Themelimi i Asociacionit të komunave me shumicë serbe, sipas zyrtarëve evropianë, do të ndodhë menjëherë pas arritjes së marrëveshjes përfundimtare mes Kosovës dhe Serbisë, në kuadër të dialogut për normalizimin e marrëdhënieve. Autoritetet e Kosovës kanë deklaruar se Asociacioni do të themelohet në përputhje me vendimin e Gjykatës Kushtetuese të Kosovës, por pas arritjes së një marrëveshjeje gjithëpërfshirëse me njohje të ndërsjellë me Serbinë.
