Lideri i AAK-së, Ramush Haradinaj ka pritur në takim ministrin e Çekisë për Çështje Evropiane, Martin Dvořák

Lideri i Aleancës për Ardhmërinë e Kosovës, Ramush Haradinaj ka pritur në takim Ministrin për Çështje Evropiane të Republikës së Çekisë, Martin Dvořák. Duke folur për këtë takim, ai ka njoftuar se kanë biseduar për zhvillimet politike në të cilat po kalon vendi ynë dhe rajoni. “E falënderova për mbështetjen që Republika e Çekisë i ka dhënë vendit tonë në shtet-ndërtim dhe vazhdon ta japë në proceset në të cilat ndodhemi. Gjithashtu, kërkova nga z. Dvořák përkrahjen e tij dhe te shtetit çek në aspiratën tonë për integrim evropian e veçmas në synimin tonë për anëtarësimin në NATO. Ritheksova domosdoshmërinë e largimit të sanksioneve nga ana e Bashkimit Evropian për Kosovën, për t’i hapur rrugë zhvillimit dhe ngritjes së mirëqenies në vend”, ka deklruar pas takimit, lideri i Aleancës për Ardhmërinë e Kosovës, Ramush Haradinaj.

Kontrolloni gjithashtu

10 vjet nga marrëveshjet e Brukselit, debati për asociacionin mbetet i hapur mes Kosovës dhe Serbisë

Më 25 gusht 2015, në Bruksel u nënshkruan katër marrëveshje të rëndësishme në kuadër të …