Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi Parlamentar i Aleancës për Ardhmërinë e Kosovës u ka adresuar një thirrje deputetëve të subjekteve të tjera parlamentare, përmes të cilës u ka kërkuar që t’i rezistojnë çfarëdo presioni për miratimin e Marrëveshjes së Demarkacionit. “Populli i Kosovës ju ka dhënë besimin për ta mbrojtur sovranitetin dhe integritetin e Republikës, andaj me të drejtë ju jeni zëri i tyre, prandaj mos e sakatoni Kosovën për të ruajtur një Komision Qeveritar që po e tkurr territorin e vendit. Nuk ruhen raportet me askënd duke e dëmtuar veten. Kosova ka dhe do të ketë raporte të mira me fqinjët e saj, por në asnjë variant kjo nuk do të thotë që duhet të jepet territor për fqinjësi të mirë”, thuhet në thirrjen e Grupit Parlamentar të AAK-së. Ky subjekt ka bërë thirrje që të kundërshtohet në çdo mënyrë miratimi i kësaj marrëveshje që e dëmton Kosovën me mbi 8 mijë hektarë tokë.
