Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lajmi senzacional i Radio Televizionit të Kosovës për atentat ndaj kryeministrit Kurti, i cili është mohuar nga Ministria e Brendshme e Maqedonisë së Veriut, nuk është konfirmuar as nga kryeprokuroritë e Kosovës. Kryeprokurori i shtetit Besim Kelmendi është cituar të ketë thënë se nuk kanë asnjë të dhënë për këtë pretendim. “Për momentin në Zyrën tonë nuk ka ndonjë veprim në lidhje me këtë lajm”, ka thënë për “Betimi për Drejtësi”, kryeprokurori Besim Kelmendi. Edhe Kryeprokurori i Prokurorisë Speciale të Republikës së Kosovës (PSRK) ka thënë se nuk kanë asnjë të dhënë për këtë pretendim. “Jo nuk kam ndonjë informatë” është cituar të ketë thënë, kryeprokurori Isufaj, njofton Betimi në Drejtësi. Në bazë të Kodit të Procedurës Penale dhe ligjeve të aplikueshme secili institucion ligjzbatues në Kosovë përfshi Agjencinë e Kosovës për Inteligjencë (AKI) dhe Policinë e Kosovës e kanë obligim për të informuar menjëherë dhe pa asnjë vonesë Prokurorin e Shtetit nëse udhëheqësit kryesorë shtetërorë janë subjekt i kërcënimit ose dyshimeve që rrezikojnë jetën e tyre.
