Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas kundërshtimit të pranimit të Kosovës në Këshillin e Evropës, delegacioni i Serbisë në këtë Këshill ka dorëzuar një amendament ku kërkon shtyrjen e pranimit të Kosovës në këtë organizatë. Raportohet se deri më tani janë dorëzuar 15 amendamente në tekstin e rekomandimit për pranimin e Kosovës në Këshillin e Evropës, i cili sot do të debatohet nga deputetët e Asamblesë Parlamentare, në Strasburg. Është kërkuar që Amendamenti nëntë të ndryshojë tekstin në mënyrë që Kuvendi të kërkojë nga Komiteti i Ministrave që të shtyjë vendimin për kërkesën për anëtarësim të Kosovës. Prandaj Kuvendi i rekomandon Komitetit të Ministrave që të shtyjë vendimin për aplikimin për anëtarësim derisa Këshilli i Sigurimit i Kombeve të Bashkuara të përcaktojë apo miratojë përfundimisht statusin e Kosovës, thuhet në amendamentin e propozuar nga delegacioni i Serbisë.
