Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nasim Haradinaj po i nënshtrohet një intervenimi kirurgjik, si rezultat i përkeqësimit të shëndetit pas lirimit nga burgu i Hagës. Edhe pse ai e ka shtetësinë suedeze dhe ka familjen e ngushtë dhe të gjerë që jetojnë atje, atij i është pamundësuar Gjykata Speciale që të operohet në Suedi, apo në cilindo shtet jashtë vendit, duke mos i dhënë leje që ta lëshojë Kosovën. Nasim Haradinajt muaj më parë iu kishte konfirmuar data e operimit në Suedi, por një gjë e tillë i është pamundësuar nga gjykata, e cila nuk e ka lejuar atë që të udhëtojë jashtë Kosovës deri në përfundimin e dënimit kusht, e që skadon në dhjetor të këtij viti. Gjendja e tij shëndetësore e përkeqësuar nuk ka mundur të pres më gjatë, andaj detyrimisht ai sot iu ka nënshtruar një intervenimi kirurgjik në Prishtinë. Nasim Haradinaj u lirua me kusht pak muaj më parë nga Gjykata Speciale që e akuzonte për vënien në dispozicion të mediave të mbi 3 mijë dokumenteve gjatë një konference në selinë e OVL – UÇK-së, dokumente këto që në mënyrë anonime ishin lënë në hyrje të selisë, në Prishtinë.
