Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Arritja e pajtimit dhe normalizimi i bashkëpunimit mbi ballafaqimin me të kaluarën janë theksuar si prioritete të rëndësishme në kuadër të Procesit të Berlinit, i cili do të mblidhet javën e ardhshme, në Berlin, me liderët e Ballkanit Perëndimor, përfaqësues të Qeverisë gjermane dhe të Bashkimit Evropian. Në përkujtim të dhjetëvjetorit të kësaj nisme, pritet të nënshkruhen marrëveshje të reja. Përfaqësues të organizatave që merren me krimet e së kaluarës dhe të drejtat e njeriut kanë theksuar rëndësinë e përfshirjes së këtyre çështjeve në agjendën e Procesit të Berlinit. Ish-përfaqësuesi i Posaçëm i Sekretarit të Përgjithshëm të OKB-së në Kosovë, Joachim Rücker, ka theksuar se ballafaqimi me të kaluarën nuk është temë e preferuar për politikanët, të cilët frikësohen se kërkimfalja ose ndëshkimi do t’u kushtojë politikisht. Samiti i Procesit të Berlinit 2024 është planifikuar të mbahet më 14 tetor në Berlin, duke përfshirë liderët e gjashtë vendeve të Ballkanit Perëndimor, institucionet e Bashkimit Evropian dhe Qeverinë Federale të Gjermanisë.
