Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës, ka mbajtur një konferencë të jashtëzakonshme për medie ku e ka dënuar ndërhyrjen në raportet e Zyrës Kombëtare të Auditimit mbi shpenzimet qeveritare, duke e cilësuar si “krim institucional”. Përfaqësuesit e LDK-së kanë bërë thirrje që Prokuroria të hetojë urgjentisht rastin. Sipas tyre, ndërhyrja për të ndryshuar raportet e ZKA-së është një precedent i rrezikshëm për demokracinë e Kosovës, duke përfshirë edhe falsifikime në dokumente zyrtare që ishin publike që nga muaji gusht. Berat Rukiqi nga LDK shprehu shqetësimin për shpenzimet e tepruara të Qeverisë për karburante, që sipas tij, kanë arritur mbi 31 milionë euro, trefishi i mesatares së periudhave para ardhjes në pushtet të Qeverisë Kurti.
