Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklarata e deputetit gjerman Josip Juratoviq, në të cilën ai konstaton se Albin Kurti dhe Aleksandar Vuçiqi, janë partnerë idealë për çështjen e Kosovës, ka nxitur reagime në Kosovë. Kryetari i PSD-së, Dardan Molliqaj, theksoi se ky vlerësim përputhet me qëndrimet e vazhdueshme të partisë së tij. Juratoviq, i njohur për kritikat e tij ndaj të dy liderëve, në të kaluarën i kishte quajtur ata “shefa të fiseve mesjetare” dhe i kishte akuzuar për lojëra të pista që dëmtojnë popullatën. Ky qëndrim u ripërsërit edhe në deklaratën e tij të fundit, duke ngritur dyshime mbi rolin e Kurtit dhe Vuçiqit në dialogun Kosovë-Serbi. Molliqaj e cilësoi këtë si një pohim të vonuar të asaj që PSD-ja ka artikuluar prej kohësh: “Kurti dhe Vuçiq i shërbejnë njëri-tjetrit”. Ai përmendi edhe mbështetjen që Juratoviq i ka ofruar Kurtit në të kaluarën, përfshirë në takime me diasporën, si dëshmi të zhgënjimit të deputetit gjerman.
