Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti, takoi në një takim lamtumirës, ambasadorin e Shteteve të Bashkuara të Amerikës, Jeffrey Hovenier, të cilin e ka falënderuar për kontributin e rëndësishëm, që ka dhënë gjatë mandatit, por pa folur për ato që dihen. Në njoftimin e qeverisë thuhet se biseda u fokusua te progresi i arritur gjatë mandatit të ambasadorit dhe gjoja bashkëpunimi i ngushtë mes Kosovës e Amerikës. Kryeministri Kurti vlerësoi angazhimin e Hovenierit në forcimin e marrëdhënieve dypalëshe, veçanërisht në fushat e mbrojtjes, sigurisë, inteligjencës, zhvillimit ekonomik dhe diplomacisë. Marrëdhënia ndërmjet Kosovës dhe Shteteve të Bashkuara ka arritur nivele të reja gjatë mandatit të tij, theksoi Kurti, pa folur asnjë fjalë për degradimin e skajshëm të këtyre marrëdhënieve me ambasadorin Hovenier dhe qëndrimin e tij shpërfillës, kryeneç dhe të papërgjegjshëm, deri edhe në fyerje të personaliteteve më të larta amerikane.
