Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Skenderajt, Fadil Nura në një intervistë për KosovaPress, ka deklaruar se pas gati dy vitesh, qytetarëve të Skenderajt ende nuk u janë kompensuar dëmet e shkaktuara nga reshjet e shiut. Si derë e parë e qytetarëve, që nga shkurti i vitit 2023, ata i drejtohen komunës me ankesa për t’i përcjellë ato te niveli qendror. Përveç kësaj, kjo komunë, e udhëhequr nga opozita, vlerëson se është diskriminuar sa i përket shpërndarjes buxhetore dhe të projekteve. Fadil Nura, duke folur pritshmëritë nga zgjedhjet e 9 shkurtit 2025, ka përmendur kontratat njëburimore, korrupsionin e aferat si dështimet kryesore të qeverisë Kurti. Kryetari i Skenderajt, Fadil Nura pret që Partia Demokratike e Kosovës të dalë e para në zgjedhjet e 9 shkurtit 2025.
