Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga Vy-Vyja , Albin Kurti, gjatë një tubimi zgjedhor në Prizren, ka kërkuar që kompania Devolli t’i kthejë Telekomit të Kosovës 62.6 milionë euro, të cilat ai i konsideroi të fituara përmes arbitrazheve të kurdisura. “Kërkoj që pronari i korporatës Devolli të kthejë menjëherë 62.6 milionë euro Telekomit të Kosovës dhe të kërkojë falje për arbitrazhin e kurdisur. Malli i huaj nuk bëhet i yti,” deklaroi Kurti. Në fjalën e tij, ai kritikoi ashpër krerët e prokurorisë, duke i akuzuar për neglizhencë dhe duke bërë thirrje për emërimin e një kryeprokurori të ri. Na duhet një kryeprokuror i ri, profesionist, patriot dhe i ndershëm. Krerët aktualë të prokurorisë kanë dështuar dhe ‘kanë vdekur për së gjalli’, tha ai, duke vënë theksin tek rëndësia e një sistemi të drejtësisë të besueshëm dhe funksional për qytetarët. Kjo nuk është hera e parë që Kurti kritikon ashpër kompaninë Devolli dhe institucionet e drejtësisë në Kosovë, duke kërkuar reforma të thella në sistemin e drejtësisë dhe mbrojtje të interesit publik, sipas shijes dhe mendjes së tij.
