Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka kritikuar ashpër Qeverinë Kurti gjatë një takimi në Lluzhan, duke e cilësuar atë si arrogante dhe pa vizion. Limaj tha se rruga Prishtinë-Podujevë është një shembull konkret i dështimeve të qeverisë aktuale, duke theksuar se kjo është një dëshmi e mos përgjegjësisë dhe mungesës së angazhimit për qytetarët. “Rruga Prishtinë-Podujevë është dëshmia më e mirë e keqqeverisjes, mos përgjegjësisë dhe arrogancës. Pa vizion dhe pa shpresë, ky është përshkrimi i rezultateve të kësaj qeverie,” deklaroi Limaj. Ai vuri theksin në nevojën për ndryshim dhe për një qeverisje të fokusuar në zhvillim të qëndrueshëm, anëtarësim në NATO dhe pavarësi energjetike. Sipas tij, koalicioni “Për Kosovën Fituese, veç VEPRA” është alternativa që mund të sigurojë një të ardhme më të mirë për Kosovën dhe qytetarët e saj.
