Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka theksuar rëndësinë e formimit të një qeverie të qëndrueshme për garantimin e stabilitetit politik dhe zhvillimit afatgjatë në Kosovë. Ai e krahasoi këtë proces me situatën aktuale në Gjermani, duke theksuar se konsensusi dhe shumica e qëndrueshme janë kyçe në kohë të paqëndrueshme gjeopolitike. Rohde theksoi se mungesa e stabilitetit politik ndikon drejtpërdrejt në zhvillimin ekonomik, duke përmendur edhe efektet e politikave ndërkombëtare si ato të SHBA-së në tregjet globale.
Ai gjithashtu vuri theksin te rëndësia e “patriotizmit kushtetues” dhe roli i Gjykatës Kushtetuese si garanci për funksionimin demokratik dhe respektimin e rregullave. “Çdo institucion duhet të bëjë pjesën e vet – vetëm atëherë kemi një demokraci të gjallë,” përmbylli ambasadori.
