Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i së drejtës kushtetuese, Kadri Kryeziu, ka kërkuar ndërhyrjen e presidentes Vjosa Osmani pas dështimit të njëmbëdhjetë përpjekjeve për konstituimin e Kuvendit të Kosovës. Sipas tij, vendi ndodhet në një boshllëk institucional, pasi as Kuvendi nuk funksionon dhe Qeveria është ende në detyrë. Kryeziu tha se presidentja duhet të ftojë partitë politike për harmonizim qëndrimesh dhe formimin e qeverisë së re. Ai theksoi se Kushtetuta, përmes nenit 113, i jep presidentes të drejtën të kërkojë interpretim nga Gjykata Kushtetuese nëse po shkelet rendi kushtetues. Kryeziu paralajmëroi se situata është kthyer në absurditet dhe po krijon pasiguri tek qytetarët, duke i kërkuar presidentes të veprojë me vendosmëri si përfaqësuese e unitetit të popullit.
