Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka adresuar dy interpelanca ndaj kryeministrit të vendit Isa Mustafa. Edhe pse ka kaluar një muaj Vetëvendosje nuk ka marrë asnjë përgjigje nëse shefi i qeverisë është i gatshëm që të paraqitet në Kuvend për të dhënë ose jo shpjegime rreth situatës politike në veri të vendit dhe për Kodin Telefonik. Zëdhënësi i qeverisë Abdullahu ka theksuar se kryeministri Mustafa do t’ju përgjigjet këtyre thirrjeve por nuk ka treguar datën se kur do të ndodh një gjë e tillë. Ai ka shtuar se për dy çështjet e ngritura si atë të kodit të telefonisë ashtu edhe të situatës në veri kohëve të fundit kemi zhvillime pozitive dhe shqyrtimi i tyre parlamentar në kuptimin e dialogut të pa tensionuar dhe pragmatik do të jetë ndihmesë për shtyrjen pozitive përpara të këtyre proceseve. Kryesia e Kuvendit të Kosovës, në mbledhjen e fundit ka vendosur që interpelancat të mbahen qysh në seancën e parë plenare.
