Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-presidenti i Kosovës, Hashim Thaçi, në një intervistë për “Klan Kosova” me gazetarin Adriatik Kelmendi, ka folur me respekt të thellë për ideologun dhe prijësin e Lëvizjes Kombëtare Çlirimtare, heroin Adem Demaçi, në shtatëvjetorin e ndarjes së tij nga jeta. Thaçi ka kujtuar sakrificat e Bacës Adem, i cili qëndroi pothuajse 28 vite në burgjet jugosllave si i burgosur politik. Ai tha se liria e Kosovës është monumenti më i madh që i është ndërtuar ndonjëherë Demaçit. “Kalova pranë hapësirës ku më herët ishte vendosur shtatorja e Adem Demaçit. Nuk kishte risi. Nuk u befasova. E kuptoj arsyen e paarsyeshme të mos vendosjes ende. Thashë me vete: Liria e Kosovës është monument i Adem Demaçit. Prandaj, nuk ka bust, lapidar apo shtatore që e zëvendëson lirinë e një populli”, theksoi ish-presidenti Thaçi.
