Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka përjashtuar çdo mundësi për koalicion me Lëvizjen Vetëvendosje, duke theksuar se “AAK nuk do të bëhet patericë e pushtetit të dështuar”. Haradinaj u shpreh se Vetëvendosja e ka humbur besimin qytetar dhe nuk mund të qeverisë më me arsyetim politik e kombëtar. Ne nuk jemi pjesë e krizës, por duam të jemi pjesë e zgjidhjes. Zgjedhjet janë mënyra e vetme për ta kthyer stabilitetin në Kosovë, deklaroi ai. Haradinaj kritikoi mungesën e koordinimit të qeverisë me aleatët ndërkombëtarë dhe theksoi se proceset integruese janë “pothuajse të ngrira”. Ai kërkoi që partitë politike të veprojnë me përgjegjësi dhe të mos e vonojnë formimin e institucioneve të reja. AAK e pozicionon veten si forcë e qëndrueshme opozitare, e gatshme për zgjedhje, por me synimin për të rikthyer rolin e vet si faktor vendimmarrës në skenën parlamentare të Kosovës.
