Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Delegacioni i Partisë Demokratike të Kosovës, i përbërë nga Sekretari për Marrëdhënie Ndërkombëtare, Bernard Nikaj, deputetja Eliza Hoxha dhe anëtarja e kryesisë, Besa Kabashi-Ramaj, mori pjesë në Kongresin e Partisë Evropiane të Liberalëve dhe Demokratëve (ALDE) në Bruksel. Në kuadër të kongresit, deputetja Hoxha ishte paneliste në diskutimin e organizuar nga Friedrich Naumann Foundation for Freedom me temën “Një Vizion i Përbashkët Liberal për Ballkanin Perëndimor”. Ajo theksoi rëndësinë e forcimit të institucioneve demokratike, promovimit të transparencës dhe ndërtimit të një vizioni të përbashkët liberal për zhvillimin e qëndrueshëm të rajonit, së bashku me përfaqësues të partive liberale nga rajoni dhe Bashkimi Evropian. Ndërkaq, Besa Kabashi-Ramaj mori pjesë si folëse në Samitin e 10 vjetorit të iniciativës “Alliance of Her”, ngjarje që shënon një dekadë të lidershipit të grave në demokracitë liberale, duke promovuar fuqizimin e rolit të grave në politikë dhe shoqëri. Pjesëmarrja e delegacionit të PDK-së në këto ngjarje ndërkombëtare synon të forcojë lidhjet me partitë liberale evropiane, të avancojë vizionin demokratik për rajonin dhe të nxjerrë përpara angazhimin e Kosovës në promovimin e transparencës, barazisë dhe lidershipit liberal.
