Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sjellja e ministrit në detyrë të Punëve të Brendshme, Xhelal Sveçla, ndaj aktivistit të Lidhjes Demokratike të Kosovës, është dënuar edhe nga aktivisti i shoqërisë civile, Shenoll Muharremi. Ai ka shkruar se se ministri në fjalë nuk duhet fare të sillet nga qendrat e votimit sot, e lere më të kërcënoi qytetarët. “Ministri i Punëve të Brendshme dhe i Policisë nuk duhet fare me u sjellë kah qendrat e votimit sot, e leremë me i kërcënu qytetarët. Si nuk po i vjen turp? Ky është presion direkt dhe tentim për me ndiku ne zgjedhje. Gjithashtu nuk është asnjë trimëri me xhipa të zi, bodygarda e me armë me vete për me i kërcënu njerëzit ashtu si mangupët e banditët “hajde, ndalem”. A pritke me u konfrontu fizikisht? Kështu po na poshtërohen institucionet publike. Në fakt, kur sillesh ashtu, tregon se nuk je aspak trim e as i matur. Më shumë se trim, je frikacak, i ulët dhe në panik” ka shkruar aktivisti, Shenoll Muharremi.
