Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës po hyn në një fazë të nxehtë zgjedhore brenda strukturave të saj, pas dorëheqjes së papritur të Memli Krasniqit. Të enjten mbrëma, Enver Hoxhaj zyrtarisht shpalli kandidaturën për kryetar të PDK-së, duke iu bashkuar garës në të cilën tashmë është përfshirë edhe Bedri Hamza. Hoxhaj kujtoi edhe vitin 2021, kur mori drejtimin e PDK-së pas arrestimit të Kadri Veselit dhe figurave të tjera të larta të partisë. Ai tha se Veseli kishte insistuar personalisht që ai ta merrte drejtimin e PDK-së në atë kohë, duke e cilësuar atë si një “amanet moral”. Periudha e vitit 2021 ishte ndër më të rëndat që kishte përjetuar partia, përballë arrestimeve dhe tronditjes politike që pasoi. Ai u shpreh se kishte ruajtur dhe unifikuar PDK-në në një moment historikisht të ndjeshëm, kur proceset e Hagës po shkaktonin goditje të rënda në skenën politike të vendit. Ndërkohë, rivali i tij në garë, Bedri Hamza, ka paralajmëruar reforma të thella dhe rikthimin e PDK-së “si forcën kryesore politike në vend”. Konventa e 17 nëntorit pritet të shënojë një nga garat më të rëndësishme të dekadës brenda PDK-së.
