Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në 27-vjetorin e Masakrës së Reçakut, Kryetari i Republikës së Shqipërisë, Bajram Begaj, përkujtoi këtë ngjarje tragjike dhe nderoi martirët e saj. Begaj theksoi se denoncimi i Masakrës së Reçakut nga Ambasadori William Walker, 27 vite më parë, ndërgjegjësoi komunitetin ndërkombëtar për gjenocidin që po ndodhte në Kosovë. Ky akt ndërkombëtar solli Konferencën e Rambujesë, ndërhyrjen vendimtare të NATO-s dhe, më në fund, lirinë, pavarësinë dhe paqen që sot Kosova dhe rajoni i gëzojnë. Kryetari i Shqipërisë nënvizoi se kujtimi i kësaj masakre nuk mund të fshihet, dhe thirrja për drejtësi nuk mund të shuhet, duke e bërë të qartë se respekti për martirët dhe sakrificën e tyre është detyrë morale për të gjithë shqiptarët. Ai shprehu mirënjohje të veçantë për Shtetet e Bashkuara të Amerikës, aleatin strategjik të Shqipërisë dhe Kosovës, për mbështetjen e vendosur në mbrojtjen e lirisë dhe të drejtave të popullit shqiptar. Lavdi martirëve të Reçakut! Sakrifica e tyre është përjetësisht inspirim për lirinë dhe drejtësinë.
