Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Kushtetuese ka konstatuar se zgjedhja e Nenad Rashiqit për nënkryetar të Kuvendit të Kosovës nga radhët e komunitetit serb, në legjislaturën e nëntë, ka qenë në kundërshtim me Kushtetutën dhe Rregulloren e Punës së Kuvendit. Pas këtij aktgjykimi, ka reaguar deputeti Dimal Basha, i cili në atë kohë udhëhiqte procedurën si kryetar i Kuvendit, duke vlerësuar se procesi i zgjedhjes së Rashiqit ka qenë kushtetues dhe duke hedhur poshtë verdiktin e Gjykatës Kushtetuese. Ndaj këtij qëndrimi ka reaguar Eugen Cakolli nga Instituti Demokratik i Kosovës (KDI), i cili ka theksuar se aktgjykimi i Kushtetueses rikonfirmon qartë se kush ka të drejtën për të propozuar përfaqësuesin e komunitetit serb në Kryesinë e Kuvendit, si dhe kufijtë e ndikimit të shumicës shqiptare në këtë proces. Sipas Cakollit, reagimi i Bashës është problematik, pasi ai, siç thotë, barazon dy koncepte të ndryshme: moszgjedhjen e një kandidati dhe mospropozimin e tij. “Barazimi i moszgjedhjes me mospropozimin shërben si arsyetim për kalimin në short, gjë që bie ndesh me interpretimin kushtetues të procedurës”, ka vlerësuar Cakolli.
