Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti Sadik Halitjaha ka reaguar ashpër ndaj zhvillimeve të fundit në sektorin energjetik, duke akuzuar Qeverinë e Kosovës për keqmenaxhim, mungesë planifikimi dhe barrë të padrejtë ndaj qytetarëve përmes rritjes së kostos së rrymës. Në një deklarim publik, Halitjaha tha se paralajmërimet për sfida dhe rritje të importit të energjisë si pasojë e ndalesave në termocentrale nuk duhet të përkthehen në kosto shtesë për qytetarët, por të ishin adresuar me kohë përmes investimeve dhe strategjive alternative prodhuese. Ai kritikoi faktin që, sipas tij, edhe pas më shumë se një mandati qeverisës nuk është garantuar furnizim i qëndrueshëm me energji elektrike, ndërsa vendi vazhdon të ketë konsum më të madh se prodhimi. Halitjaha ngriti shqetësime edhe për politikat e importit dhe tregtimit të energjisë, duke pretenduar se ka mungesë transparence dhe dëm financiar për publikun. Halitjaha bëri thirrje për rritje të prodhimit vendor, ruajtje të ndërmarrjeve strategjike dhe investime afatgjata në sektorin e energjisë, duke paralajmëruar se, në të kundërtën, qytetarët do të vazhdojnë të përballen me çmime më të larta dhe pasiguri energjetike.
