Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka njoftuar themelimin e Këshillit Organizues, një trup koordinues që do të merret me planifikimin dhe organizimin e aktiviteteve përkujtimore dhe ceremoniale në nderim të luftës së Ushtrisë Çlirimtare të Kosovës. Sipas njoftimit zyrtar, ky këshill synon të unifikojë aktivitetet përkujtimore në nivel vendi, duke siguruar koordinim institucional, organizativ dhe simbolik ndërmjet strukturave të veteranëve dhe akterëve të tjerë shoqërorë që kontribuojnë në ruajtjen e kujtesës historike. Në përbërjen fillestare të këshillit janë përfshirë figura të njohura të organizatës dhe të ish-strukturave të luftës, përfshirë Hysni Gucati, Fadil Shurdhaj, Xhavit Jashari, Ali Ahmeti dhe Lahi Brahimaj. Ndërkohë, është bërë e ditur se përbërja e plotë e këshillit do të zgjerohet në ditët në vijim me përfaqësues të tjerë nga strukturat përkatëse. OVL-UÇK thekson se krijimi i këtij mekanizmi vjen si përgjigje ndaj nevojës për organizim më të strukturuar të aktiviteteve përkujtimore, në mënyrë që shënimet historike, përvjetorët dhe ceremonitë përkujtimore të zhvillohen me një qasje të koordinuar dhe përfaqësuese.
