Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja Ganimete Musliu nga Partia Demokratike e Kosovës ka kritikuar ashpër veprimet e presidentes Vjosa Osmani dhe kryeministrit Albin Kurti, duke thënë se vendimet e tyre politike po e shtyjnë vendin drejt një situate të rrezikshme politike. Musliu deklaroi se veprimet e dy krerëve të shtetit kanë qenë të pamatura dhe kanë krijuar paqartësi serioze institucionale. Ajo theksoi se qytetarët janë lënë të hutuar nga situata politike, duke mos e pasur të qartë nëse institucionet po funksionojnë normalisht apo jo. “Veprimet e liderëve shtetërorë kanë qenë aq të pamatura dhe fëminore sa që edhe qytetarët i kanë lënë pa tekst. Jemi në një pozicion ku nuk mund të shpjegohet qartë nëse kemi apo jo një funksionim normal të Kuvendit”, u shpreh Musliu. Megjithatë, ajo shtoi se është e rëndësishme që situata të sqarohet sa më shpejt dhe vendi të marrë një drejtim të qartë politik.
