Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike e Kosovës, Enver Hoxhaj, ka kritikuar ashpër presidenten Vjosa Osmani dhe kryeministrin Albin Kurti, duke thënë se përplasjet mes tyre nuk lidhen me ndonjë dallim strategjik për shtetin, por me mungesë besimi ndaj njëri-tjetrit. Sipas Hoxhajt, tensionet mes dy krerëve të shtetit janë më shumë çështje rivaliteti politik sesa debat për orientimin e Kosovës. Ai ka theksuar se ky nivel mosbesimi mes Kurtit dhe Osmanit duhet të reflektohet edhe tek qytetarët, duke shtuar se klasa politike që udhëheq vendin që nga viti 2019 duhet të përballet me gjykimin e publikut. “S’ka dallim mes Kurtit dhe Osmanit. Mosbesimi i tyre ndaj njëri-tjetrit duhet të përcillet edhe me mosbesim të qytetarëve ndaj tyre”, ka deklaruar Hoxhaj. Sipas tij, krizat dhe përplasjet e vazhdueshme në majat e pushtetit po e dëmtojnë stabilitetin politik dhe besimin e qytetarëve në institucionet e Kosovës.
