Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prishtinë ka caktuar seancën gjyqësore ndaj të akuzuarit për krime lufte kundër popullsisë civile, Grujica Veljoviq, i cili sipas autoriteteve ka adresë të panjohur dhe vazhdon të jetë i paarritshëm për institucionet e drejtësisë. Gjykata i ka bërë thirrje Veljoviqit që të paraqitet dhe të dorëzohet para organeve të ndjekjes së Republika e Kosovës. Sipas gjykatës, për shkak se i akuzuari nuk është arritur të lokalizohet nga institucionet e Kosovës, procedura gjyqësore ndaj tij po zhvillohet në mungesë. “Nëpërmjet kësaj komunikate i bëhet thirrje të akuzuarit Grujica Veljoviq që të paraqitet dhe të dorëzohet para organeve të ndjekjes së Republikës së Kosovës. Po ashtu u bëhet thirrje të gjithë personave që posedojnë informacione për vendndodhjen e tij që këto informacione t’i komunikojnë në Policia e Kosovës ose tek organet tjera kompetente”, thuhet në njoftim.
