Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleanca Kosovare e Bizneseve, Agim Shahini, ka ngritur alarmin për rrezikun e një krize të thellë energjetike, duke theksuar se zhvillimet globale po kalojnë nga rritje ciklike çmimesh në kërcënim real për mungesë furnizimi. Sipas tij, tensionet e fundit në Lindja e Mesme, veçanërisht ato që lidhen me Irani, po rrisin ndjeshëm pasigurinë në tregjet ndërkombëtare të energjisë. Në këtë kontekst, ai e cilësoi Ngushtica e Hormuzit si pikën më kritike globale, përmes së cilës kalon një pjesë thelbësore e furnizimit botëror me naftë. Shahini vlerëson se ekonomitë më të mëdha si India, Japonia, Koreja e Jugut dhe Kina tashmë përballen me rrezik serioz për mungesë derivateve dhe rritje të pakontrolluar të kostove të energjisë, për shkak të varësisë së tyre të lartë nga importet. Efektet, sipas tij, kanë filluar të reflektohen edhe në Evropa, ku shtete si Gjermania, Italia dhe Franca po përballen me një valë të re inflacioni, të nxitur nga rritja e çmimeve të energjisë dhe transportit, duke rritur pasigurinë në tregjet financiare dhe industriale. Në këtë panoramë globale, Shahini thekson se Kosova mbetet ndër vendet më të ekspozuara dhe më pak të përgatitura. Varësia pothuajse totale nga importi i derivateve, mungesa e rezervave strategjike dhe mungesa e një strategjie të qëndrueshme energjetike e bëjnë ekonominë vendore tejet të brishtë ndaj çdo goditjeje nga jashtë. Ai paralajmëron se çdo krizë ndërkombëtare reflektohet menjëherë në tregun vendor, duke u përkthyer në rritje çmimesh, ulje të fuqisë blerëse dhe vështirësi serioze për bizneset, ka theksuar Agim Shahini.
