Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-zëvendëskryeministri i Kosovës, Haki Abazi, ka kritikuar qasjen e qeverisë së kryeministrit Albin Kurti ndaj Shteteve të Bashkuara të Amerikës, duke thënë se vendi po e humb gradualisht pozicionin e tij si partner i preferuar në rajon. Sipas Abazit, mungesa e marrëdhënieve të qëndrueshme dhe të drejtpërdrejta me SHBA mund të ketë pasoja strategjike për Kosovën, duke ndikuar në rolin e saj diplomatik dhe ndërkombëtar. Ai ka deklaruar se SHBA e sheh Kosovën si një nga projektet më të rëndësishme të saj diplomatike, por sipas tij, mënyra e komunikimit të qeverisë aktuale po e dobëson këtë raport. “Kurti nuk po ndërton marrëdhënie të drejtpërdrejta me SHBA dhe po e kufizon komunikimin institucional. Lobimi është një nga mënyrat kryesore të angazhimit në Kongres dhe Senat,” ka thënë Abazi. Ai ka bërë krahasime edhe me mënyrën e funksionimit të institucioneve të tjera, duke theksuar se Kosova duhet të ruajë një komunikim më të hapur dhe më të koordinuar me partnerët strategjikë ndërkombëtarë. Në fund, Abazi ka paralajmëruar se mungesa e koordinimit të duhur diplomatik mund të ndikojë në pozicionin e Kosovës në rajon, në një kohë kur konkurrenca gjeopolitike po rritet.
