Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Posta e Kosovës dhe KRU “Prishtina” kanë nënshkruar marrëveshjen për vazhdimin e bashkëpunimit institucional, duke u mundësuar qytetarëve pagesën e faturave të ujit në të gjitha zyrat e Postës së Kosovës, pa provizion shtesë. Marrëveshja u formalizua në një takim ndërmjet kryeshefes ekzekutive të Postës së Kosovës, Nora Rraci, dhe kryeshefit ekzekutiv të KRU “Prishtina”, Arsim Fetahu, të shoqëruar nga bashkëpunëtorët e tyre. Sipas palëve, pagesat do të regjistrohen automatikisht në sistem, duke mundësuar shlyerje të menjëhershme të obligimeve dhe duke rritur efikasitetin e shërbimeve për konsumatorët. Në kuadër të zgjerimit të rrjetit të saj në mbarë vendin, Posta e Kosovës po rrit qasjen e qytetarëve në shërbime esenciale, ndërsa kjo marrëveshje pritet të lehtësojë edhe më tej procesin e pagesave për klientët e KRU “Prishtina”. Të dy institucionet e vlerësuan lart bashkëpunimin e deritanishëm, duke theksuar se marrëveshja krijon mundësi të reja për thellimin e partneritetit dhe zhvillimin e shërbimeve të reja në interes të qytetarëve.
