Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i së Drejtës Kushtetuese, Kadri Kryeziu, ka sqaruar hapat proceduralë që pritet të ndiqen pas certifikimit të rezultateve të zgjedhjeve në Kosovë. Kryeziu tha se fillimisht duhet të konstituohet Kuvendi i Kosovës, për të vazhduar më pas me formimin e Qeverisë dhe në fund zgjedhjen e Presidentit. “Proceduralisht mendoj që për të pasur legalitet dhe legjitimitet të plotë duhet të konstituohet parlamenti, pastaj qeveria dhe më vonë vjen edhe presidenti”, tha ai. Sipas tij, rendi institucional është i domosdoshëm për funksionimin normal të shtetit, duke theksuar se Kuvendi nuk mund të konsiderohet plotësisht legjitim pa Qeverinë në funksion. “Së pari duhet parlamenti, kryetari i parlamentit, qeveria dhe pastaj krijohet një legjitimitet dhe legalitet i plotë i parlamentit”, u shpreh Kryeziu. Ai shtoi se në rastin aktual, për shkak të situatës me president ushtrues detyre, procesi institucional duhet të përmbyllet brenda afateve kushtetuese prej rreth dy muajsh pas zgjedhjeve.
