Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Instituti i Kosovës për Drejtësi ka ngritur alarmin se dhjetëra institucione dhe agjenci të pavarura në Kosovë vazhdojnë të funksionojnë me mandate të skaduara, përbërje të paplotësuara ose pa drejtues, duke rrezikuar funksionimin normal të shtetit. Sipas IKD-së, institucione të rëndësishme si Gjykata Kushtetuese, Institucioni i Avokatit të Popullit, Këshilli Gjyqësor i Kosovës, Autoriteti Rregullativ për Komunikime Elektronike dhe Postare, Bordi i KOSTT-it dhe disa komisione të pavarura kanë nevojë urgjente për emërime të reja. IKD vlerëson se kjo situatë është pasojë e krizës së zgjatur politike dhe moskonstituimit të Kuvendit, por thekson se shumë procedura është dashur të nisin me kohë, sipas afateve ligjore. Instituti u bën thirrje Kuvendit dhe Qeverisë që, sapo të konstituohen institucionet, ta trajtojnë si prioritet absolut plotësimin e pozitave të lira në mënyrë transparente dhe mbi bazën e meritës. Sipas IKD-së, çdo vonesë në emërimin e drejtuesve dhe anëtarëve të institucioneve të pavarura cenon funksionimin e shtetit, mbikëqyrjen publike dhe mbrojtjen e të drejtave të qytetarëve.
