Kryetari i komunës së Skenderajt, z. Sami Lushtaku, nënkryetari Fadil Nura me bashkëpunëtorë kanë bërë homazhe pranë varrezave të dëshmorëve, në përvjetorin e rënies së tyre. Në një postim në Facebook kryetari Lushtaku ka shkruar:
Sot, me nderim, përulje dhe krenari, nderuam dëshmorët e kombit Naser Kodra dhe Adem Lushtaku nga Prekazi, Shkëlzen Gashi nga Kryshefci dhe Rrustem Hoti nga Morina.
Tek varrezat e Dëshmorëve në Mitrovicë nderuam dëshmorët e kombit Agim Ramadani dhe Mustafë Shyti.
Në këtë datë kujtojmë me respekt të veçantë edhe doktorin e luftës dhe bashkëluftëtarin Lec Gradica, si dhe dëshmorët Mehmet Saliuku, Behram Morina dhe Skender Alushani.
Sakrifica e tyre mbetet e skalitur në historinë e lirisë së Kosovës. Kujtimi për ta është i përjetshëm, ndërsa vepra e tyre do të mbetet frymëzim për brezat që vijnë.
Lavdi e përjetshme dëshmorëve të kombit!
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
